“الجنوبي” تنشر أجمل قصيدة لمحجوب الشريف: حنبنيهو البنحلم بيهو يوماتي

%d9%85%d8%ad%d8%ac%d9%88%d8%a8

كتب خالد الكرنكاوي
تنشر “بوابة الجنوبي الالكترونية” بماسبة انتفاضة الشعب السوداني العظيم، صاحب مدرسة الديمقراطية السباقة في المنطقة، قصيدة شاعر السودان الخالد محجوب شريف “جنبنيهو البنحلم بيهو يوماتي ” كتحية للاشقاء السودانيين في انتفاضتهم ، وللغائب الحاضر محجوب شريف، وللشعب المصري وخاصة جنوب الصعيد الذي سيستمتع بهذه القصيدة لأنها صورة قريبة جدا من عاميته.
محجوب شريف : حنبنيهو البنحلم بيهو يوماتي
حنبنيهو البنحلم بيهو يوماتى
وطن شامخ وطن عاتي
وطن خير ديمقراطي
وطن مالك زمام أمروا
ومتوهج لهب جمروا
وطن غالي
نجومو تلالى في العالي
إرادة سيادة حرية
مكان الفرد تتقدم قيادتنا الجماعية
مكان السجن مستشفي
مكان المنفي كلية
مكان الاسري وردية
مكان الحسرة أغنية
مكان الطلقة عصفورة
تحلق حول نافورة
تمازح شفع الروضة
حنبنيهو البنحلم بيهو يوماتي
وطن للسلم أجنحتو
ضد الحرب أسلحتو
عدد ما فوقو ما تحتو
مدد للارضو محتلة
سند للإيدوا ملوية
حنبنيهو البنحلم بيهو يوماتي
وطن حدادي مدادي
ما بنبنيه فرادي
ولا بالضجة في الرادى
ولا الخطب الحماسية
حنبنيهو البنحلم بيهو يوماتي
وطن بالفيهو نتساوى
نحلم نقرا نتداوى
مساكن كهربا ومويه
تحتنا الظلمة تتهاوى
نخت الفجر طاقيه
وتطلع شمس مقهورة
بخط الشعب ممهورة
تخلي الدنيا مبهورة
إرادة وحدة شعبية

محجوب شريف

اضف رد

لن يتم نشر البريد الإلكتروني . الحقول المطلوبة مشار لها بـ *

*